ప్రయాణికులకు రైల్వే షాక్.. ఇకపై యూజర్ చార్జీల బాదుడు


  రైలు ప్రయాణికులకు బ్యాడ్ న్యూస్.. రైలు ఎక్కేవారు ఇక నుంచి యూజర్ చార్జీలు కూడా చెల్లించాల్సి రానుంది. అయితే ఇది అందరూ ప్రయాణికులకు ఒకేసారి కాకుండా.. విడతల వారీగా, వివిధ దశల్లో అమలు కానుంది. దక్షిణ మధ్య రైల్వే పరిధిలో తొలిసారిగా సికింద్రాబాద్‌ స్టేషన్‌లో యూజర్‌ చార్జీల అమలుకు రంగం సిద్ధమైంది. సికింద్రాబాద్‌ స్టేషన్‌లో రైలెక్కే ప్రయాణికులు ఇకపై యూజర్‌ చార్జీలు చెల్లించాల్సి రానుంది.  
పలు ఇళ్ల దగ్దం..బంగ్లాదేశ్‌లో కొనసాగుతున్న హింస.. 29 ఇళ్లకు నిప్పు పెట్టారు

దేశవ్యాప్తంగా ఎంపిక చేసిన సుమారు వెయ్యి స్టేషన్ల (ఏ–1)పునరాభివృద్ధిలో భాగంగా ప్రయాణికుల నుంచి యూజర్‌ చార్జీలు వసూలు చేయనున్నట్లు ఇటీవల రైల్వే బోర్డు తెలిపింది. ఈ జాబితాలో సికింద్రాబాద్‌ స్టేషన్‌ను కూడా చేర్చింది. రోజుకు 150 రైళ్లు, 1.85 లక్షల మంది ప్రయాణికులు రాకపోకలు సాగించే సికింద్రాబాద్‌ స్టేషన్‌లో వెహికల్ పార్కింగ్, టాయిలెట్లు, తాగునీరు, విశ్రాంతి గదుల వంటి సేవలన్నీ పూర్తిగా ప్రైవేటు సంస్థల నిర్వహణలోనే ఉన్నాయి. ఈ క్రమంలోనే ఏసీ ప్రయాణికులపై సగటున రూ.25 చొప్పున యూజర్‌ చార్జీలు విధిస్తే రోజుకు రూ.7.5లక్షల ఆదాయం లభించనుంది. 

తల్లితో సహజీవనం చేస్తూ కూతురిపై కన్నేసిన ప్రబుద్ధుడు.

ఈ ఆదాయంతో ప్రయాణికుల సేవల్లో నాణ్యతను పెంచేందుకు వినియోగిస్తామని అధికారులు చెప్తున్నారు.ప్రస్తుతం ప్రధాన ఎక్స్‌ప్రెస్‌ రైళ్ల ఏసీ బోగీల ప్రయాణికుల నుంచే చార్జీల వసూలును పరిమితం చేసినప్పటికీ దశలవారీగా స్లీపర్‌ క్లాస్, ఇతర కేటగిరీలకూ దీన్ని వర్తింపజేసే అవకాశముంది. సికింద్రాబాద్‌ స్టేషన్ తర్వాత నాంపల్లి, కాచిగూడ, విజయవాడ, తిరుపతి స్టేషన్లకు యూజర్‌ చార్జీలను విస్తరించనున్నారు. అయితే గతంలోనే రైల్వే బోర్డు ఈ ప్రతిపాదన చేసినప్పటికీ కరోనా వ్యాప్తితో వాయిదా పడింది.

AP & TS Govt Jobs ,Central Govt Jobs , News ,Driver jobs,Love Stories ,ఆరోగ్యం,Beauty Tips

Comments